KALEMGER.COM - авторлорго өз чыгармаларын эркин жарыялоого мүмкүнчүлүк берген кыргыз адабий порталы. 

Портал 2012-жылдан бери иштеп келе жатат, бул заманбап авторлордун эң ири чыгармалар жыйнагы.

Жарыяланган чыгармаларга болгон бардык укуктар авторлорго таандык.

Чыгармаларыңызды сайтка жарыялоо же ой-пикир калтыруу үчүн сайтка өз логиниңиз менен кириңиз же катталыңыз!

Сүйүүнүн күчү

Сүйүүнүн күчү

Ай сездим, жылдыз сездим бийиктеги,
Өзүмөн артык көрүп сүйүп сени.
Жүрөксүз жашаганда балким азыр,
Жек көрүп келбес эле күйүт деми….
⭐⭐⭐⭐⭐
Төбөгө так түшкөндөй тарып заман,
Өзүң жок бүгүн жалгыз арып басам.
Өзгөрүп өткөнүмү унутам деп,
Өкүнбөй койдум мына жаңы кадам….
⭐⭐⭐⭐⭐
Сүйүүмүн сырдуу күчү өзүм менен,
Башканы сүйүп эртең көнүп кетем.
Багыма бак тикпеген алсыздарга,
Коротпойм сүйүүмдү ал көңүл экен.
⭐⭐⭐⭐⭐
Жүрөктөн сүйүп, күйүп келдим далай,
Бербесең берекелүү бакыт таалай.
Өзүмү өзүм сүйүп бийик жашайм,
Өзүндөй жактырганды жүрөм баалай….
⭐⭐⭐⭐⭐
Өзүмү өзүм сүйүп күлүп жашайм,
Өзүндөй жактырганды күтөм талбай…..

Автору: Эркебаев Азиретиавыт Нурбекович, Ош облусу, Чоң-Алай району

09:20
RSS
Эч кандай ой-пикир жок. Биринчи сиз жазыңыз!
Жүктөлүүдө...