KALEMGER.COM - авторлорго өз чыгармаларын эркин жарыялоого мүмкүнчүлүк берген кыргыз адабий порталы. 

Портал 2012-жылдан бери иштеп келе жатат, бул заманбап авторлордун эң ири чыгармалар жыйнагы.

Жарыяланган чыгармаларга болгон бардык укуктар авторлорго таандык.

Чыгармаларыңызды сайтка жарыялоо же ой-пикир калтыруу үчүн сайтка өз логиниңиз менен кириңиз же катталыңыз!

Балалыгым

Балалыктын желегин желбиретип,
Оюн менен жан дүйнөмдү сергитип.
Көөдөй түнгө Күн бергендей кубангам,
Ошол мезгил кетпөөчүдөй сезилип.

Бүт баарыбыз топ артынан чубалып,
Күч бирдикте оюн менен таймашып.
Көөдөнүмдө арман деги жок эле,
Ал жылдарым кайда кетти кыр ашып?!

Минип алып чырпык атты ойногон,
Балалыгым оюнга эч тойбогон.
Ар бир жанга бир келүүчү кез экен,
Маани берип терең-терең ойлосом.

Жаркыраган жаз мезгилдей таптаза,
Балалыгым бул курактан башкача.
Кумарланып ал кезекте жүрмөкмүн,
Шашкалактап ак боз атын чаппаса.

Кумарланып балалыкта жүрмөкмүн,
Өмүр чиркин, ак боз атын чаппаса!

Автору: Исанов Медетбек, Өзгөн району, Доңуз-Тоо айылы

07:47
RSS
Эч кандай ой-пикир жок. Биринчи сиз жазыңыз!
Жүктөлүүдө...